डेकॅथलॉन: अनकॅटेगरीकल : क्रिया

 लोक प्रामाणिक उरलेले नाहीत 

आणि त्यांना संपूर्ण प्रामाणिकपणा नको आहे 


असे लोक कोणाच्याही वाट्याला न येवो 


जर तुझ्या वाट्याला ते येतील 

तर तुला दुप्पट खोलवर प्रामाणिकपणा जपावा लागेल 


लोकांनी जंगलचा कायदा 

बागेत आणलाय 


रानटी वाटणारे गुलाब आता घरगुती वाटतात 

आणि काट्यांनी चावतात 


फळे तर फक्त विकण्यासाठीच उगवली जातात 


निसर्गाची कोणाला पडलीये ?

हे ते भुक्कड लोक आहेत 

ज्यांना निसर्ग चरायचा आहे 


सिमेंट आणि झाड यांच्यापैकी 

 सिमेंट निवडणारे लोक 


असे लोक कोणाच्याही वाट्याला न येवो 


यांना शक्य असते तर यांनी सर्व नोकर सिमेंटचे बनवले असते 


सभ्य दिसतात याचा अर्थ गुलामगिरीतून बाहेर पडले असे नाही 


जे लोक देवांना बनवतात 

ते माणसांना काय सोडणार ?


ज्यांना श्रीकृष्ण आदर्श वाटतो 

त्यांना खांडव वन जाळताना मजा येते 


असे लोक जंगलातून पळणाऱ्या माणसांना 

नाग म्हणतात 

यज्ञात टाकतात 


संस्कृत भाषेतून क्रौर्य व्यक्त केलं म्हणून ते थोडंच सभ्य होतं ?


तुला अशा लोकांच्यात राहून मोक्ष मिळवायचाय


त्यांच्या हितसंबंधांच्या आड गेलास 

तर हे तुलाच अप्रामाणिक सिद्ध करण्याचा प्रयत्न करतील 

तुझ्याच नावाने आरोपांचा गुलाल उधळतील 


तुला तरीही ध्यानात पक्के उभे राहायचे आहे 


एक स्टेप तर उरलीये 


एका हनुमान उडीची गरज 

परज 


स्वतःचेच काळीज फाडून बाहेर ये 


मुक्त होशील 


श्रीधर तिळवे नाईक 

( डेकॅथलॉन सिरीजमधील डेकॅथलॉन: अनकॅटेगरीकल : क्रिया या काव्यफायलीतून)

Comments

Post a Comment

Popular posts from this blog

 महाशिवरात्र आणि विरोधाभास श्रीधर तिळवे नाईक  युरेशियन लोकांच्या पुढे जे काही अतिशय गुंतागुंतीचे प्रश्न असतात त्यापैकी एक प्रश्न नेहमी शिव शक्ती या दोन तत्त्वांना आणि शंकर पार्वती विनायक (गणपती) कुमार कार्तिकेय (स्कंद )नंदी (बैल नव्हे मित्र ) या आदिपंचसिद्धांना कसे सामावून घ्यायचे आणि भगवान शंकरांचे भगवती पार्वतीचे करायचे काय हा असतो. ज्याला ते लोकधर्म म्हणतात तोच शैव धर्म आहे आणि त्यामध्ये लोक खूप असल्याने त्याला लोकधर्म म्हटले जाते साहजिकच एवढ्या मोठ्या संख्येने असलेल्या उपस्थितीचे शेवटी तुम्हाला काही ना काही तरी करावे लागते . ब्राह्मण वर्णाचा सर्वात मोठा प्रॉब्लेम असा आहे की त्यांना एकीकडे यज्ञ ही संस्था आपल्या ताब्यात राहिली पाहिजे असे वाटत असते ती कोणाला दुसऱ्याला देता कामा नये असे वाटत असते आणि जो बहुजन समाज आहे त्याच्यावर धार्मिक राज्य करायचे आहे असेही वाटत असते . या परस्परविरोधी अपेक्षांच्यामुळे अनेक विरोधाभास तयार होत असतात. हे विरोधाभास प्रामुख्याने शैव उत्सवांच्या आणि सणांच्या वेळी अधिकच मोठ्या प्रमाणात अधोरेखित होत राहतात . शैव धर्म कसाही करून स्वतःच्या ताब्यात आ...
Read more

बॉलीवूड आणि अभिनय

बॉलीवूड अभिनय आणि अभिनय हे चलन असणे श्रीधर तिळवे नाईक  बॉलीवूड मध्ये अभिनेत्याचे मूल्य कसे ठरतं हा प्रश्न नेहमी विचारला जातो मुळात आपण ठरवलं पाहिजे की नेमक्या कशा पद्धतीने समाज व्यवस्था चिन्ह व्यवस्थेला ऑपरेट करत असते लोकांच्या जे लोकप्रिय असतात तेच चिन्ह पद्धतीने येऊ शकते आणि याची सर्वात मोठी साक्ष आपणाला अभिनयाच्या रूपात भेटते आपण जर का उत्तर आधुनिक आणि आधुनिक कालखंड पाहिले तर तिथे पैसा फार महत्त्वाचा दिसतो आणि हा पैसा पूर्णपणे छापील पद्धतीने उदयाला आलेल्या दिसतो त्या उलट चौथ्या नव्हते मध्ये आपण आलो की आपणाला असे दिसते की ब्रांड हाच सर्वात महत्त्वाचा आहे आणि ब्रांड ची जी मूल्य व्यवस्था आहे किंमत व्यवस्था आहे ती नेहमी त्या ब्रँडला कोणता अभिनेता प्रमोट करतो आणि तो किती लोकप्रिय आहे त्यावर सर्व काही ठरत जाते विशेषता फिल्म मध्ये हे प्रचंड मोठ्या प्रमाणात घडते  त्यामुळे त्या त्या मोठ्या अभिनेत्याचा किंवा एकंदरीत सर्व अभिनेत्यांचा अभिनय हे चलन बनत जाते आणि शेवटी अवस्था अशी येते की तो स्वतः अभिनेताच एक नोट बनून जातो पण आश्चर्यकारकरीत्या ही नोट फिक्स नसते म्हणजेच अनेक म्हणजे त्यांचं...
Read more
 नेहरू निशिकांत दुबे आणि हिंदुत्ववाद श्रीधर तिळवे नाईक  चार वेळा लोकसभेत निवडून आलेल्या एखाद्या खासदाराने संसदेमध्ये कसे बोलावे याविषयी काही अपेक्षा असतात या अपेक्षा बहुदा धुळीला मिळालेल्या आहेत की काय अशी शंका निशिकांत दुबे यांच्यामुळे आता येत आहे. वास्तविक सगळे दुबे हे मूळचे पंडित तरीही असे व्हावे हे पंडित किती ब्राह्मनाईजड झाले आहेत त्याचे लक्षण आहे. या सगळ्याचा संदर्भ नेहरू आणि गांधी असतो आणि आहे . मी नेहमीच सांगत आलेलो आहे की भाजपचा पराभव झाला तर तो ब्राह्मणी हिंदुत्वामुळे होईल . त्या दिशेने जायचे की नाही हे भाजपने ठरवायचे आहे पण हे नक्की पराभवाकडे वाटचाल असणार आहे याबद्दल खात्री बाळगा . ब्राह्मणी हिंदुत्व हे कायमच हिंदूंना पराभवाच्या दिशेने नेते इतिहास साक्षी आहे त्यामुळेच ते अत्यंत वाईट पद्धतीने नेहरू यांच्यावर हल्ले करत असते आणि अनेकदा बाकीचे लोक सुद्धा त्यांच्या कह्यात येतात. निशिकांत दुबे यांचे असे झालेले आहे त्यामुळेच आता अनेकदा काय घडले हे नीट सांगण्याची गरज भासत आहे म्हणून सांगतोय . मी स्वतः नेहरूंच्यावर आणि गांधींच्या वर या अंगाने कायम टीका केलेली आहे किंबहुना या...
Read more